اليا متى صدتـك ياراعـي الصـده
واليا متـى زلتـك ياهـوه ابقبلهـا
قصّرت مدّك وانا لك مجـزل المـده
مديت بحبال وصلي وانـت مهملهـا
شفت الذي خط عالمويه بخط يـده؟
أو مثل من يقبص الحيده ويطبلهـا؟
ذولا مثـل مـن يبيّـن حبـه ووده
إلواحدٍ جاهـلٍ ماهـو بكفـو إلهـا
فلا تحسب اني لاقلت احبك بشـده؟
يعنـي ابضعـف وزلاتـك اجاملهـا
أبوك انـا نـد مايـزرا علـى نـده
واشـل حمـل المراجـل وآتحملهـا
من لابـةٍ بالوفـا والطيـب ممتـده
لا قالت اقـوال ؟ تفعلهـا وتفعلهـا
وحنا هل السيف الاملح حن هل الرده
وحنا ملافـي الرجاجيـل وزواملهـا
من حد بغداد الى صنعـا لنـا عـده
وأفعالنا عـاد مابـه راس يجهلهـا
فإن كان وضعك كذا بيطـوّل المـده
خذها من اقصر طريـق ولاتطولهـا
الشي لازاد عن حـده؟ قلـب ضـده
وزلتك ماعادني برضـى ولا اقبلهـا
فإن كان تبغى صدودٍ فأبشر بصـده
وإن كان تبغى لعانه؟؟ فأبشرإزهلها
ولاّ أقولك ؟؟ وقولي صدق من جده
الحـل واحـد ولا غيـره بيعدلهـا
يالعنبـو حـب بايـر لعنبـو جـده
وإن كان فرقاك ستره؟ جاك مسدلها
روّح عسى روحتك روحه بـلا رده
وش حاجتي بناس ماعزّت منازلها!!
×
H E R O